आयव्हीएफ अयशस्वी होणे

मातृ घटक

थ्रोम्बोफिलियास

थ्रोम्बोफिलिया हा रक्त जमण्याच्या विकृतींचा एक गट आहे, ज्यामुळे गर्भपात होऊ शकतो आणि आयव्हीएफच्या यशाचे प्रमाण कमी होऊ शकते. रक्त तपासणीद्वारे त्यांची तपासणी केली जाऊ शकते. जर तपासणीत सकारात्मक लक्षणे असतील, तर  आम्ही तुम्हाला काही औषधे किंवा इंजेक्शन देण्याचा सल्ला देऊ.

जोडप्यांचा अनुवांशिक अभ्यास

पती किंवा पत्नीमधील गुणसूत्रांमध्ये असंतुलन असल्याने अनुवांशिकरित्या अपसामान्य भ्रुण होण्याची शक्यता मोठ्या प्रमाणात वाढू शकते. अशा भ्रूणांचे रोपण अयशस्वी होते आणि आयव्हीएफ अयशस्वी होऊ शकते. रक्तचाचणीप्रमाणे गुणसूत्रांची चाचणी केली जाऊ शकते. जर अनुवांशिक विकृती आढळल्यास पीजीटी मदत करू शकते.

आयव्हीएफ अयशस्वी झाल्यावर पुढील उपचार कधी घ्यावे

आयव्हीएफची पुढील सायकल सुरू करण्यापूर्वी वाट बघण्याची आवश्यकता नाही. आपण पुढच्या महिन्यात किंवा शक्य तितक्या लवकर प्रयत्न केलात किंवा काही महिने थांबलात, तरी निकाल मात्र सारखेच असतात. आमच्या अनुभवानुसार, आयव्हीएफ अपयशी झाल्यानंतर पुढच्या महिन्यात उपचार परत सुरू केल्याने उच्च परिणाम मिळण्याची शक्यता असते. पण अधिक जास्त दिवस प्रतीक्षा केल्यास पुन्हा रक्त तपासणीची गरज पडू शकते आणि कदाचित तुमच्या अंड्यांची संख्याही कमी होऊ शकते.

पुढील सायकल सुरु करण्यापूर्वी आम्ही आमच्या प्रयत्नांत कोणतीही कसर सोडत नाही. एकदा अपयश आले म्हणजे नेहमी अपयशी येईल असे नाही, उलट पुढील सायकल तुम्हाला त्याहूनही चांगली संधी देऊ शकेल. जो लढतो, तोच फक्त जिंकू शकतो; जो मैदान सोडतो, त्याला जिंकण्याची संधी नसते. तयार व्हा; तुमची यशोगाथा फक्त तुम्हीच निर्माण करू शकता.